SuperDizionari

indulà che loc.coniun.

Cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton

sinonims

dulà che, li che, là che

esemplis

"sot la mont di Borgnan al è un sît indulà che il Judri al jentre tal cret"

gjavât fûr di "Lis aganis di Borgnan" di Catarine Percude

"o sin stadis sù in Cjargne, jo e lis frutis, te cjase indulà che o vin vivût par agn"

gjavât fûr di "Fûr di timp" di Jolanda Mazzon

""[...] E cumò nus disarês indulà che al è lât a platâsi""

gjavât fûr di "Îr e doman" di Gianni Gregoricchio

indulà che loc.coniun.

Ancje par introdusi une precisazion, une esplicazion

sinonims

dulà che, li che, là che

esemplis

"il probleme al è descrit intune relazion une vore simile ae precedent (2): [XG YG ZG] = [XGP YGP ZGP] + R(T) [XP YP ZP] (3) indulà che: XG P, YG P, ZG P a son lis coordenadis incognitis"

gjavât fûr di "Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion" di Domenico Visintini

indulà che loc.coniun.

Par introdusi une conclusive o une consecuence

sinonims

e cussì, alore, par la cuâl, duncje

esemplis

"al è ancjimò tal jet cul preventivât brusôr di stomi, indulà che al à scugnût bevi dôs buinis sedons di chel Paliano che par fortune mi jere vanzât a mi"

gjavât fûr di "Viaç a Vignesie" di Arturo Feruglio

indulà che loc.coniun.

Par introdusi une aversative

sinonims

li che, dulà che, intant che, invezit, impen, là che

esemplis

"a àn stiçât chel odi di raze, chel pangjermanisim, chel panslavisim e chel panitalianisim che nus à metûts in sest cussì ben; indulà che noaltris, par cont nestri, o vevin cjatade la fate di metisi dacordo cun todescs e cun sclâfs, di lavorâ e di tratâ cun lôr"

gjavât fûr di "No si à di judicâ il passât cu la mentalitât di cumò" di Josef Marchet

monolengâl